إستراحة محارب
مع طه السر محمد طه
يكتبها : بدرالدين حسن علي
في إطار التوثيق لأنشطة وفعاليات وعضوية
الجالية السودانية في تورنتو هذه دردشة سريعة مع الرجل الهاديء الخلوق طه السر محمد
طه وما عندو أي علاقة بمحمود محمد طه ، هو أحد المحاربين القدامى ، أقصد من عصر بعانخي و شاب شيك ، وسوبر إنتدانت في عمارات شريف المليك
، واللغة الإنكليزية تقول ليك ما عليك
!
· شهادتك شنو يا
طه ؟
· أوه أنا عندي
شهادة كبيرة جدا ، أنا خريج جامعة القاهرة فرع الخرطوم – قسم تجارة .
· مواليد ؟
· مواليد منطقة
الخرطوم غرب
· الخرطوم غرب دي
غلوتيه ولا شنو ؟
· أبدا ، الخرطوم غرب دي يا سيدي تشمل المقرن وإشلاق البوليس والسجون وبيوت الموظفين
التي تبدأ من شارع علي عبد اللطيف وحتى شارع القصر ، وجنوبا حتى سكة حديد ، وشمالا
حتى شارع النيل ، وهذه المنطقة تعتبر منطقة سياحية وتعليمية وثقافية ورياضية ، حيث
تبدأ من " كبري " أم درمان ومنتزه المقرن العائلي مرورا بفندق هلتون ثم المتحف
القومي وقاعة الصداقة ، ثم نعود إلى المقرن الذي به أجمل وأكبر مشتل لوزارة الزراعة
، ثم معهد البصريات وجامعة السودان " معهد الكليات التكنلوجية سابقا " ثم
جامعة القاهرة فرع الخرطوم " جامعة النيلين حاليا " ومعها مدرسة جمال عبد
الناصر سابقا ، ومدرسة الفاروق بنين جوار مكتب الحركة ثم الكلية القبطية ،ثم جنوب مركز
شباب الخرطوم غرب ، ثم مدرسة الأنجيلية المصرية المتوسطة ، ثم تأتي مدرسة المقرن الثانوية
وبجوارها مدرسة الخرطوم غرب "1
" ثم مدرسة الخرطوم غرب " 2 " ثم مدرسة الأميرية المتوسطة بنين
وبنات ثم سينما الخرطوم غرب وبجوارها استاد الخرطوم ثم أعود إلى جنينة الحيوانات سابقا
وحدائق 6 أبريل والفندق الكبير وفندق السودان ، والشرح كثير في هذه المنطقة إذا لجأنا
إلى التفصيل ، وهناك عدة وزارات ومؤسسات وعدة شوارع .
*إنت ياخوي طه خريج تجارة ولا عوايد وضرايب ؟
* أنا "
بتاع " كلو
* والله فعلا
" بتاع " كلو ، مش إنت ال superintendant بتاع عمارات شريف المليك ؟
* أيوة
*" تبقى
بتاع كلو ، أوعى تقول لي عارف الشوارع ؟
*" أقول
ليك " الشوارع : النيل ، الجامعة ، الجمهورية ، البلدية ، السيد عبد الرحمن ،
شارع الغابة ، الطابية ، علي عبد اللطيف ، الحرية ، القضائية ، القصر والقصر جنوب ،
الصحافة زلط ، المك نمر ، " كفاية ولا أزيد ؟
* لا يا خوي كفاية
" إنت طالما عندك ذاكرة زي دي ما تحكي
لينا ذكرياتك مع الجامعة " ؟
طبعا عندي ذكريات
طريفة جدا مع الشعر الحلمنيشي أسمع دي :
نحن البوش
ونحن الماكنتوش
وأنحن الفي العيون
بنروش
وحبينا وأدونا
شاكوش
وأكلنا زيت ريغان
وكمان مغشوش
واتملينا وعملنا
كروش
عشان الفلس وعدم
القروش
*حلوة !!!
طيب أسمع دي
:
رقمي ..رقمي
رقم الجلوس جننتني
في أي ملحق جبتني
وآخر السنة ريدتني
رقمي – رقمي
– رقمي
هيا يا خفير هيا للمدير
قول ليه نمشي
نضرب جير
رقمي – رفمي
– رقمي
· برضوحلوة
إنت سمعت مدحة
أولاد حاج الماحي ؟
· لا أبدا ما سمعتها
برلوم كفاية النوم
الجامعة ما بدور كفاية فرع الخرطوم
يا حليل سلم الآداب
والقعدة
جنب الباب
والقعدة جنب الباب
والريحة في الشراب
يا حليل الود
الوناس
وسعاد ست الكراس
وسعاد ست الكراس
والجو ظريف يا
ناس
*حلوة يا طهطه
!!!
معناها انت ما
سمعت أغنية يا ليله ليلك جنه
* لا ما حصل لي
الشرف
يا ليله كيسك
جنه
شفناك من بنطلونا
فصلنا
يا ريت لو ساكن
جاره
أو سيد دكان في
حاره
أو سيد دكان في
حاره
وبقره معاهو في
تجاره
يا ليله كيسك
جنه شفناك من بنطلونا فصلنا
جات ماشة تترنح
والكرسي براهو
إتزحزح
والكرسي براهو
إتزحزح
والفول في الصحن
إتصلح
يا ليله كيسك
جنه شفناك من بنطلونا فصلنا
كفاية ولا أزيدك
؟
· أقول ليك وما
تزعل ، زيدني في عذابي !
طيب أسمع أغنية
يا ناس مالكم ومالي :
جيت مرة لابس
قميص أصفر
وأول ما قابلت
قابلت سحر
قالت لي ده شنو
يا أشتر
جيت تاني يوم
لابس فنلة سقط
طلعت قدري بالجر
والمط
أول ما قابلتها
قالت لي ده شنو يا مزعمط
قلتليهم يا ناس
مالكم ومالي
إن شا الله أشتري
صابون سالي
أجدعو هناك وأرجعو
تاني
مالكم ومالي
إن شالله أجيب
فيل وفيلة
وأعرس للفيل والفيلة
وأقوم أطلق الفيل
من الفيلة
مالكم ومالي دي
مش أفيالي ؟
إنشا الله أمش
أقيف في الصف هناك قيالي
وأقوم أخت الحجر
قدامي
وأقول ده منو
الجه قدامي
وأقوم أجر نفسي
وأقول ده منو الجراني
وأشيل يدي واضرب
نفسي وأقول ده منو الدقاني
أقوم أكلم جيراني
وأخواني
وإيجي إفتشني
وما يلقاني
بس إنتو مالكم
ومالي
أفتح يدي تقولوا
هاي
أغمده تقولوا
كلاي
أفتحها وأغمده
زي الياي مالكم ومالي
ألبس سلسل تقولوا
هناي
ألبس بدله تقولوا
زول هاي
أقلع البدلة تفولوا
زول ساي
أنا غايتو يوم
بجيكم ساي .
ليست هناك تعليقات:
إرسال تعليق